Татарстан синоптиклары яшенле яңгыр булачагын кисәтә

атарстан синоптиклары республика территориясендә һәм Казанда бүген кич, шулай ук иртәгә, 13 июньдә, төнлә һәм көндез урыны белән көтеләчәк яшенле яңгырлар турында кисәтә.

Моннан тыш, секундына 15-20 метрга кадәр кыска вакытлы көчәючән җил булуы ихтимал.

13 июньдә секундына 16-21 метрга кадәр көчле җил фаразлана, дип хәбәр итә Татарстан Гидрометеорология һәм әйләнә-тирә мохитне күзәтү идарәсенең матбугат хезмәте.

Республика районнарында урыны белән төнлә, шулай ук күпчелек районнарында көндез яңгыр явачак. 13 июньдә һава температурасы 6дан 11 градуска кадәр җылы булачак. Көндез 16, 21 градуска кадәр җылы көтелә. 

Татар-информ

фото: Эльвира Мөбарәкшина