Поч. Кучукта яшәүче Маний Алексеевна 90 яшьлеген билгеләп үтте

Поч. Кучук авылында гомер итүче Михайлова Маний Алексеевна шушы көннәрдә үзенең 90 яшьлек күркәм юбилеен билгеләп үтте. Маний апаны гомер бәйрәме белән район башлыгы урынбасары Резеда Гаянова, Поч. Кучук авыл җирлеге башлыгы Риналь Гыйниятовлар котлады, район башлыгының Рәхмәт хатын, истәлек бүләге тапшырды.

Маний Алексеевна гомер буе күмәк хуҗалыкта эшләп лаеклы ялга чыга. Тормыш иптәше Алексей Иванович белән дүрт балага гомер бирәләр. Аларның һәрберсенең үз тормышлары. Әбинең оныклары, оныкчыклары бар. 

Юбилярның янәшәсендә — кызы Любовь ханым. Алар күп еллар Нократ Аланында гомер итеп, лаеклы ялга чыккач, бирегә кайтып төпләнгәннәр.

«Әниле булу — зур бәхет. Яшәсен иде әле», — ди ул.

Фото: Алсу Сәләхетдинова/ «Хезмәт даны»