Линзаларны дөрес кимәү, гигиенаны бозу кискен проблемага әйләнеп бара

«Линзаларны дөрес кимәү, гигиенаны бозу, линза куелган килеш ялгыш йоклап китү, дөрес кулланмау проблемасы безне борчый. Яшьләргә шуны әйтәсе килә: йомшак контактлы линзалар йөртүчеләр шәхси гигиена кагыйдәләрен үтәсен, төнгә салырга иренмәсен. Бу кискен проблемага әверелеп бара», - ди  офтальмохирург. Бу турыда МА "Татар-информ" яза. 

Ул линза кулланучы яшьләр еш кына кератит – күз ялкынсыну проблемаларына зарланып килгәнен белдерде: «Соң мөрәҗәгать итәләр, авыруның азуы күрү сәләтен кисәк боза, ул зарарланган тукымаларны тернәкләндереп тә, күрү сәләтен кайтарып та булмый».

Табиб 18 яшьтән лазерлы коррекция операцияләре ясалуын искәртте. Шулай да, аның фикеренчә, лазерлы коррекция өчен оптималь вакыт – 21 яшьтән дә иртәрәк һәм 40 яшьтән дә соңрак булмаска тиеш.

Фото: предоставлено пресс-службой РКОБ