Күппрофильле лицейның 1 сыйныф укучылары өчен экологик чара үткәрелде

Күппрофильле лицейның 1 сыйныф укучылары өчен Татарстан Республикасы Экология һәм табигый байлыклар министрлыгының Төньяк территориаль идарәсе белгече Алия Шаймуллина һәм беренче разрядлы белгече Гөлинә Мөхәммәтшиналар катнашында экологик чара үткәрелде. 

Анда табигатьнең кеше тормышында әһәмияте, зур роль уйнавы табышмаклар, төрле уеннар аша балаларга җиткерелде.

Чараның төп максаты:

- балаларга кешелекне борчыган экологик мәсьәләләрнең барлыкка килү сәбәпләре турында җиткерү һәм аларны булдырмаска тырышу;

- үсеп килүче яшь буында табигатькә сакчыл караш булдыру.

Балалар чарада бик кызыксынып катнаштылар.. Элеге чара «Экология» милли проекты максатларын тормышка ашыруга ярдәм итә. Соңыннан килгән кунаклар укучыларга үзләренең алып килгән истәлекле бүләкләрен тапшырып, аларны сөендерделәр.