Кукмараның «Улыбка» вокаль ансамбле «Созвездие-Йолдызлык» фестиваленең Гала-концертында беренче урынны яулады

«Пирамида» мәдәни-күңел ачу комплексында «Созвездие-Йолдызлык» эстрада сәнгатенең XXIV ачык республика телевизион яшьләр фестиваленең Гала-концерты узды.

Кукмараның Лилия Нурмиева җитәкчелегендәге «Улыбка» вокаль ансамбле «Вокаль ансамбльләр» номинациясендә 1 урынга лаек булды.

«Созвездие-Йолдызлык» фестивале Татарстан Республикасы Рәисе Рөстәм Миңнеханов химаясе астында үткәрелә һәм талантлы балаларның, яшьләрнең иҗади үсешенә ярдәм итүче республика масштабындагы фестиваль хәрәкәте булып тора. Фестиваль 2001 елдан уза һәм Татарстан Республикасының барлык районнарын һәм шәһәрләрен колачлый. 2016 елдан фестиваль ЮНЕСКО эшләре буенча Россия Федерациясе комиссиясе эгидасы астында үткәрелә.