Кукмаралылар Укытучылар көненә багышланган тантанада катнашты

Казанның Ленин исемендәге Мәдәният сараенда Халыкара Укытучылар көненә багышланган тантана узды. Мәгариф хезмәткәрләрен Татарстан Президенты Рөстәм Миңнеханов тәбрикләде. Чарада район башлыгы Сергей Димитриев, район мәгариф бүлеге җитәкчесе урынбасарлары Ирина Иванова, Диләрә Ганиева, профсоюз оешмаларының район Советы рәисе Альбина Гаянова, Кукмараның “Кыңгырау” балалар бакчасы тәрбиячесе Рәйхана Степанова,өстәмә белем бирү үзәге методисты Миләүшә Корбангалиева, Байлангар мәктәбенең биология укытучысы Фәридә Гарифуллиналар катнашты.

2019 елда педагогик эшчәнлектә уңышка ирешкән өчен Татарстан Республикасының иң яхшы укытучыларына премия бирү конкурсында җиңү яулаган Фәридә Гарифуллинага Татарстан Мәгариф һәм фән министрының Рәхмәт хаты тапшырылды.