Кукмарада узачак Сабантуй бәйрәме программасы билгеле булды

Район Сабан туе 7 июньдә Киндеркүл авылы янындагы аланлыкта үткәрелә.

Программада:

09.00-17.00 сәгатьләрдә — районкүләм «Халыклар дуслыгы» ишегаллары эшчәнлеге; һөнәрчеләрнең остаханәләре (мастер-класслар); «Балалар остаханәсе» мәйданчыгы (бизнес-проектлар күргәзмәсе); сәүдә һәм туклану зоналары, балалар аттракционнары эшчәнлеге.

Зур мәйдан:

• 11.00-11.30 сәгатьләрдә — Сабантуйны ачу тантанасы: театрлаштырылган пролог «Бәйрәмнәрнең таҗы — Сабантуйлар!»;
• 11.30-12.30 сәгатьләрдә — кыр батырларын, алдынгыларны бүләкләү;
• 12.30-14.30 сәгатьләрдә — җырчы, автор-башкаручы, Башкорт дәүләт опера һәм балет театры солисты Рәдиф Зарипов һәм аның иҗат төркеме чыгышы;
• 12.30 сәгатьтә — балалар көрәше, балалар уеннары;
• 13.00 сәгатьтә — ир-егетләр көрәше;
• 12.30-16.00 сәгатьләрдә — волейбол ярышы (махсус мәйданда): ир-егетләр, хатын-кызлар;
• 12.30 сәгатьтә — шахматчылар ярышы (махсус өстәлдә): ир-егетләр, хатын-кызлар;
• 12.30 сәгатьтә — шашка ярышы (махсус өстәлдә): ир-егетләр, хатын-кызлар;
• 12.30 сәгатьтә — аркан тарту;
• 12.30-16.30 сәгатьләрдә — өч категориядә кул көрәштерү: ир-егетләр, хатын-кызлар, малайлар, кызлар.

Махсус мәйдан:

14.00 сәгатьтә — атлар чабышы (ат чабышы трассасында): гади атлар, токымлы атлар.

Халык уеннары (12.30-16.00 сәгатьләрдә):

• Аякка капчык киеп йөгерү;
• Гер күтәрү: яшүсмерләр, ир-егетләр: 70 килограммга кадәрге үлчәүдә, 80 килограммга кадәрге үлчәүдә, 80 килограммнан югары үлчәүдә, хатын-кызлар;
• Капчык сугышы;
• Муенга аркан киеп тартышу: ир-егетләр;
• Чаңгы киеп йөрү;
• Әтәч куып тоту;
• Кашыкка йомырка салып йөгерү: ир-егетләр, хатын-кызлар;
• Вертикаль колгага менү;
• Авыш колгага менү;
• Мас-рестлинг (таяк тартышу);
• Көянтәле сулы чиләк белән йөгерү: ир-егетләр, хатын-кызлар;
• Аякка итек киеп йөгерү;
• Тәгәрмәч күтәреп йөгерү;
• «Каноэ» ярышы;
• Тачкага утырып йөгерү;
• СУМО көрәше;
• Бүрәнә күтәреп йөгерү.

Кече мәйдан:

• 12.30-14.00 сәгатьләрдә — «Сабантуй гүзәле» районкүләм бәйгесе.
• Татар йорты ишегалдында түбәндәге бәйгеләр оештырыла (10.00-14.30 сәгатьләрдә):
• «Озын толым» конкурсы;
• «Милли кием — бәйрәм бизәге» конкурсы, номинацияләре: «Иң милли егет», «Иң милли кыз», «Иң милли гаилә»;
• 13.00-17.00 сәгатьләрдә — «Уйнап-көлеп, җырлап-биеп күңел ачыйк әле»: балалар сәнгать мәктәбе, район сәнгать осталары һәм «Идел» бию төркеме чыгышлары;
• 14.00 сәгатьтә — «Росэкстрим» канатта йөрүчеләр ансамбле чыгышлары.

0+. Керү ирекле.

Фото: «Кукмор-информ» архивыннан