Кукмарада яшәүче хатын-кыз караклык өчен хөкем ителгән

Кукмара районы прокуратурасы 39 яшьлек хатын-кызга карата кузгатылган җинаять эше буенча дәүләт гаепләвен хуплады. Суд аны РФ Җинаять Кодексының 158 маддәсе 2 өлеше, “в” пунктында (кешегә зур зыян китереп урлау), РФ Җинаять Кодексының 158 маддәсе 3 өлеше, “г” пунктында (банк счетыннан урлау) каралган җинаятьләр кылуда гаепле дип таба.

Судта ачыкланганча, 2023 елның 6 мартында гаепләнүче үзенең Кукмара шәһәре Маяковский урамындагы фатирында дустының онытып калдырган 18 мең сумлык кәрәзле телефонын һәм банк картасын күреп ала. Соңрак әлеге хатын-кыз Кукмара һәм Вятка Аланы кибетләрендә азык-төлек сатып алганда шул карта белән түли.
Гаепләнүче үз гаебен таныды һәм 7 мең сумнан артык зыянны тулысынча кайтарды. Суд аңа алты ай сынау срогы белән шартлы рәвештә алты айга ирегеннән мәхрүм итү җәзасын билгеләде.

Суд карары законлы көченә керде.

Кукмара районы прокуратурасы