Сергей Димитриев Кукмарада яшәүче Наталья Дәүләтшинаны 90 яшьлек юбилее белән котлады

Наталья Дәүләтшинага район башлыгы Сергей Димитриев җылы теләкләрен җиткереп, Россия Президентының котлау открыткасын, үзенең Рәхмәт хатын, истәлек бүләге тапшырды. Юбилярны котларга дип район социаль яклау бүлеге җитәкчесе Регина Мусина, А. М. Булатов исемендәге күппрофильле лицей директоры Любовь Камалова, директорның тәрбия эшләре буенча урынбасары Роза Рабитовна, педагог-психолог Альбина Туктамышева һәм укучылар да килгән иде. 

Наталья Дәүләтшина  күппрофильле лицейда башлангыч сыйныфларда балаларга белем биргән. Укыту стажы 40 елдан артык. Хәзерге вакытта улы һәм килене тәрбиясендә гомер кичерә. Тормыш иптәше белән ике ул үстергәннәр, 4 оныгы, 1 оныкчыгы бар. 
Автор фотолары