Кукмарада ялган машина йөртү таныклыгы кулланган өчен ир-атны хөкем итәчәкләр

Кукмара районы прокуратурасы Краснодар өлкәсенең 34 яшьлек кешесенә карата җинаять эше буенча гаепләү актын раслады. Ул ялган паспорт, таныклык яки башка рәсми документын куллану максатыннан сатып алу, саклауда гаепләнә.

Ир-ат Мәскәүдә эшләгән вакытта, интернет аша ялган машина йөртү таныклыгы сатып ала.
2024 елның 1 гыйнварында Кукмараның Магистраль урамы буенча машинада хәрәкәт иткәндә аны ЮХИДИ хезмәткәрләре туктата. Документларын тикшергәндә таныклыгының ялган булуы ачыклана.

Ир-ат гаебен тулысынча таныды.

Җинаять эше карау өчен җәмәгать судына җибәрелде.