Кукмарада актер Андрей Межулис белән иҗади очрашу узды

Район Мәдәният йортында Россиянең атказанган артисты, театр һәм кино актеры Андрей Межулис белән иҗади очрашу узды.

«Сезнең өчен мин “Синема, синема, от тебя мы без ума” дигән программа әзерләдем. Анда безнең яраткан ретро шлягерларыбыз, иске совет киносы җырлары һәм актерлык хикәяләре кергән», - диде артист чарада катнашучыларга.
Очрашу бик җылы һәм кызыклы килеп чыкты. Кечкенә, зур тамашачылар җырлады һәм артистның мәзәкләреннән чын күңелдән көлде.

«Мин гомерем буе җырлыйм, әмма монда ишеткәннәр бөтенләй башка төрле. Алар тәнемнең һәр кылына кагылып үтте. Бу бик шәп булды. Кичә дә концертка килгән идем, чөнки Кукмарада мондый музыканы тагын кемнәндер ишетүең икеле», - дип, кичерешләре белән уртаклашты Кукмарадан Валентина Королева.

Очрашу бу көннәрдә Кукмарада уза торган «Милли палитра» фестивале кысаларында узды. Фестивальдә катнашучылар шулай ук Россия балалар язучысы, педагог, тәрҗемәче, Мәскәү язучылар берлеге әгъзасы Наталья Волкова, Россия Федерациясенең атказанган артисты Лидия Музалева, Россиянең атказанган рәссамы Ирина Маковеева белән очраштылар.

Фото: Эльвира Иванова/ «Хезмәт даны»