Кукмарада 40 яшьлек ир административ күзәтчелек таләпләрен бозган өчен гаепләнә

Кукмара районы прокуратурасы 40 яшьлек, элегрәк хөкем ителгән район кешесенә карата билгеләнгән җинаять эше буенча гаепләү актын раслады. Ул РФ Җинаятьләр Кодексының 314.1 маддәсе 2 бүлегендә каралган җинаять кылуда гаепләнә.

Эш материалларыннан күренгәнчә, гаепләнүчегә карата административ күзәтчелек билгеләнгән булган, ул суд тарафыннан билгеләнгән чикләүләрне бозган. Әйтик, ир кеше 2020 елның июнендә һәм 2021 елның маенда ике тапкыр төнге вакытларда торак йорттан тыш булырга тиеш түгел дигән чикләүне бозган.

2021 елның августында гаепләнүче төнлә исерткеч эчемлекләр кулланган килеш җәмәгать урынында була.

Ул үз гаебен таныган.

Җинаять эше Кукмара районы судына җибәрелгән.

Кукмара районы прокуратурасы