Кукмара районында өч һәм аннан да күбрәк балалы гаиләләр бакчага түләүдән азат ителә

2020 елның 1 гыйнварыннан 18 яшькә кадәрге өч һәм аннан күбрәк бала тәрбияләүче, җан башына уртача керемнәре яшәү минимумыннан түбән булган гаиләләргә балалар бакчасы өчен ата-ана түләвенә өстәмә компенсациянең күләме 100 процентка кадәр арта. Димәк, алар бакча өчен ата-ана түләвеннән тулысынча азат ителә.

Компенсация күләмен үзгәртү өчен социаль яклау органнарына барып йөрисе түгел, ул автомат рәвештә арта.

Барлык сораулар белән дә түбәндәге адрес буенча мөрәҗәгать итәргә була: Кукмара шәһәре, Ворошилов урамы, 44 йорт. Телефон: 2-61-09, 2-83-94, 2-76-11.

Фото: Эльвира Мөбарәкшина/ «Хезмәт даны»