Кукмара районы укытучылары Казан шәһәрендә узган семинар-киңәшмәдә катнаштылар

Казан шәһәренең «Һади Такташ исемендәге татар телендә белем бирүче 27 нче гимназия» базасында туган (чуваш, мари, удмурт, мордва) теле һәм әдәбияты укытучылары өчен «Яңартылган федераль дәүләт белем бирү стандартларын гамәлгә ашыру шартларында туган телләрне укытуның методик аспектлары» темасына семинар-киңәшмә узды.

Чара кысаларында туган тел укытучылары актуаль темалар буенча чыгыш ясадылар, яңартылган федераль дәүләт белем бирү стандартларын гамәлгә ашыру һәм федераль белем бирү программаларын гамәлгә кертү шартларында туган телләрне укыту мәсьәләләре буенча мастер-класслар күрсәттеләр.

Пленар утырыш барышында Почкучук урта мәктәбенең башлангыч сыйныфлар укытучысы В.И. Юнусова ТР Мәгариф һәм фән министрлыгының Мактау грамотасы белән бүләкләнде.