Кукмара кешесе законсыз рәвештә утлы корал саклаган һәм аны үзгәрткән өчен хөкем ителгән

Кукмара районы прокуратурасы 62 яшьлек ир-атка карата җинаять эше буенча гаепләү карарын хуплады. Суд аны утлы корал һәм аңа кирәк-яракларны законсыз саклауда, коралны законсыз үзгәртүдә гаепле дип тапты.

Иске Кенә-Юмья авылы кешесе урманда тапкан бер көпшәле ау мылтыгын хуҗалыгында саклаган. Моннан тыш, ир-ат аның кәүсәнең бер өлешен үзгәртеп ясаган. Полиция хезмәткәрләре коралны алганнар.

Җинаятьче үз гаебен таныды. Суд шул ук сынау срогы белән аны 4 ел һәм 1 айга шартлы рәвештә ирегеннән мәхрүм итте.

Хөкем карары үз көченә әле кермәде.