Казанда аягы авыртып килгән пациент аорта өзелү һәм ампутациядән котылган

Казанда төбәкара клиник-диагностика үзәге табиблары Татарстанның йөрәк-кан тамырлары хирургиясе тарихында беренче тапкыр тибә торган йөрәккә аортокоронар шунтирование һәм организмның төп артериясе — аортага протез ясыйлар.

70 яшьлек Валерий Дмитриев табибларга аягы авырткан килеш мөрәҗәгать иткән: җәрәхәт урыны төзәлмәгән, ә кан әйләнеше туктаган диярлек. Тикшеренү күрсәткәнчә, сәбәбе тромблар белән тулган аорта аневризмы була. Аяк предгангрена хәлендә булганлыктан, ашыгыч операциядән башка эш ампутациягә кадәр барып җитә ала.

Пациентның йөрәге авыру булып чыга, һәм теләсә нинди аерым операция үлем куркынычы тудыра. Табиблар моңарчы күрелмәгән карар кабул итә: йөрәк эшен туктатмыйча, берьюлы ике операция башкарыла. Россиядә мондый очрак бер генә.

Кардиохирурглар һәм кан тамырлары хирурглары бердәм механизм буларак эшлиләр. Икенче көнне үк пациент реанимациядән гадәти палатага күчерелә.

Фото: «Татар-информ» МА