Григорий Андреев: Конституциягә кертеләсе төзәтмәләр гражданнарның тормыш сыйфатын һәм дәрәҗәсен күтәрүгә юнәлдерелгән

РФ Конституциясенә кертелгән барлык төзәтмәләр дә гражданнарыбыз тормышын яхшырак итүгә юнәлдерелгән. Үрәсбаш авылында яшәүче Григорий Андреев әнә шундый фикер белән уртаклашты.

«Буш вакыт табып, интернет челтәрендәге сайт аша илнең төп законына кертеләчәк төзәтмәләр белән танышып чыктым. Барысы белән дә килешәм. Чөнки алар халыкның киләчәк тормышы, яшәеше өчен мөһим», - диде Григорий Андреев.

Ул сыйфатлы медицина белән тәэмин итү, спорт белән шөгыльләнү өчен тиешле шартлар тудыру, экология мәсьәләләре, гаилә тәрбиясенең өстенлеге, яшьләр сәясәте турындагы турындагы пунктларны югары бәяләде.

«Әлеге һәм башка үзгәрешләрне хуплап, берсүзсез, 1 июль көнне участокка барып, үз тавышымны бирәчәкмен», - диде ул.