Бер кукмаралы кеше дәрәҗәсен мәсхәрәли торган видеоязма тараткан өчен җаваплылыкка тартылган

Кукмара районында яшәүче 28 яшьлек ир-ат интернет челтәрендә кеше дәрәҗәсен һәм иҗтимагый әхлаклылыкны мәсхәрәли, Россия Федерациясендә дәүләт хакимиятен гамәлгә ашыручы органнарга карата ачыктан-ачык ихтирамсызлык белдерә торган информация тараткан өчен административ җаваплылыкка тартылды.

Суд утырышында хөкем ителүче үз гаебен таныды.

Суд аңа 30 мең сум күләмендә административ штраф рәвешендә җәза билгеләде.

Карарга карата шикаять бирелмәде, һәм ул законлы көченә керде.

фото: «Татар-информ»