Автобусны үткәрмәгән өчен — штраф

Тукталыш урыныннан китә торган җәмәгать транспортына юл бирмәгән шоферга штраф салынырга мөмкин. Бу хакта Лев Воропаев хәбәр итте, дип яза «Татар-информ».

«Әгәр торак пункттагы тукталыштан китүче автобуска юл бирмәсәгез, штраф 500 сум тәшкил итәчәк», — диде Лев Воропаев.

Мондый хокук бозу өчен җаваплылык РФ Административ хокук бозулар кодексының 12.17нче маддәсенең 1нче өлешендә каралган («Маршрут транспорт чарасына яки махсус яктылык һәм тавыш сигналлары кабызылган транспорт чарасына хәрәкәттә өстенлек бирмәү»), дип билгеләп үтте ул.

Фото: Эльвира Иванова/ «Кукмор-информ»