Җәмәгать эшлеклесе әбиләр һәм бабайлар өчен салым чигерүе кертергә тәкъдим итте

Оныкларын тәрбияләүдә актив ярдәм иткән һәм аларны үстерүгә үз пенсия акчаларын сарыф иткән әби-бабайларга салым чигерүенә хокук бирергә кирәк. Мондый тәкъдимне «Россия православная» гомумроссия иҗтимагый хәрәкәте рәисе Михаил Иванов «Абзац» белән әңгәмәдә белдерде, дип яза «Татар-информ» МА .

Аның сүзләренчә, күп кенә әби-бабайлар түгәрәк һәм секцияләрдә дәресләр өчен түли, дәреслекләр, кием-салым сатып ала, шулай ук балаларны укыту һәм дәвалау чыгымнары белән ярдәм итә. Бу – ата-аналар өчен зур ярдәм.

Иванов фикеренчә, пенсионерларга үзләренең оныкларына ярдәм йөзеннән укырга, дәвалануга, өстәмә дәресләргә һәм башка ихтыяҗларга киткән чыгымнарның 13 процентын кайтарырга рөхсәт итәргә тәкъдим итте.

Ул ассызыклаганча, мондый чара өлкән яшьтәге кешеләргә ярдәм итә, буыннар арасындагы элемтәне ныгыта һәм балаларны тәрбияләүдә өлкән туганнарның катнашуын стимуллаштыра алыр иде.

Ул шулай ук акчаларны кире кайтару лимитын билгеләргә тәкъдим итте – һәр оныгына елына 50 мең сумга кадәр. Шул ук вакытта, аның фикеренчә, ата-аналар чыгымнарны икеләтә исәпкә алмас өчен шул ук балага шундый ук ташлама рәсмиләштергән очракларда мондый тотып калу мөмкинлеген юкка чыгарырга кирәк.