Татарстанда яшәүчеләрнең утыз проценты гына кабельле телевидениега тоташкан

Татарстанда яшәүчеләрнең 30 проценты гына кабельле телевидениедан файдалана. Бу хакта “Татмедиа” АҖ генераль директоры Андрей Кузьминга “Татар-информ” агентлыгы өчен интервьюда “Телеком-Сервис” ҖЧҖ җитәкчесе Наил Фәйзрахманов сөйләде.

“Казанда яшәүчеләрнең яртысы кабельле телевидениедан файдалана, ә республика халкының бары тик 30 проценты гына тоташкан. Шулай итеп, 30 процент кабельле, 30 процент иярченле һәм 30 процент эфир телевидениесен карый. Авыл җирлегендә  иярченле телевидение кабельле телевидениега зур көндәшлек тудыра, чөнки анда операторлар юк”, - диде Наил Фәйзрахманов.

Аның сүзләренчә, Татарстан башкаласында кабельле челтәрләр 90 процентка җитә. Әмма бу барлык 90 процент та кабельле телевидение карый дигән сүз түгел. Аларның кабельле телевидениега тоташу мөмкинлеге бар.

Татар-информ

фото: Рамил Гали