Сергей Димитриев авыл хезмәтчәннәрен котлый

Авыл хуҗалыгы һәм эшкәртү сәнәгате хезмәткәрләре көне  уңаеннан район башлыгы Сергей Димитриев авыл хезмәтчәннәрен һөнәри бәйрәмнәре белән котлады. 

- Илебез халкын икмәкле, мул табынлы, җитеш тормышлы итү өчен авыл халкы ел әйләнәсе авыр хезмәт белән шөгыльләнә. Игенчелек тармагында  да, терлекчелектә дә горурланып сөйләрлек уңышларыбыз бар. Иң зур байлыгыбыз - уртак хезмәт өчен янып-көеп йөргән, намуслы, җаваплы җитәкче кадрлар, белгечләр, механизаторлар, терлекчеләр. Авыл хуҗалыгы товарлары җитештерү белән шөгыльләнүче фермер, шәхси ярдәмче хуҗалыкларның саны да елдан-ел арта бара, - диелә котлауда. - Без бу тармакта булган кимчелекләребезне дә яхшы беләбез. Безгә аларны төзәтү, булган резервлардан файдаланып, продукция җитештерүне тагын да арттыру өстендә эшләргә кирәк.  Авыр, тынгысыз хезмәт белән шөгыльләнүче авыл халкы мул хезмәт хакы алырга, җитешле тормышта яшәргә хаклы. Бүген җитәкчеләрнең бөтен тырышлыгы шуңа юнәлдерелергә тиеш. 

Бәйрәм белән сезне, авыл хезмәтчәннәре! Сезгә нык сәламәтлек, бәхетле имин тормыш, күңел тынычлыгы телим. Башкарган эшегезнең яхшы нәтиҗәләрен генә күрергә язсын.