Район хәрби комиссариатында чакыру комиссиясе эшләде (фото)

Сәламәтлеге яхшы, хәрби хезмәт узарга яраклы, дип табылган егетләр Россиянең төрле хәрби частьларына җибәреләчәкләр. Армиягә баручыларның күбесе урта һәм югары һөнәри белемле, "В", "С" категорияләре буенча автомәктәптә укып, транспорт йөртү таныклыгы алган. Беренче төркем 18 апрельдә юлга кузгалачак.

Район башлыгы урынбасары Равия Каримуллина җитәкчелегендәге комиссия 30 булачак солдат белән аралашты. Егетләрнең кайда белем алулары, киләчәккә планнары, гаилә хәлләре, тәртип мәсьәләсе - берсе дә комиссия вәкилләренең игътибарыннан читтә калмады. Шунысы сөенечле: егетләрнең һәммәсе дә армиягә үз теләкләре белән баруларын әйттеләр.

Алсу ИДРИСОВА