Кукмараның үзәк урамына асфальт түшәлә (фото)

Сөенечле яңалык! "Татавтодор"ның Саба филиалы составындагы Кукмара юл төзү-ремонт участогы хезмәткәрләре көче белән поселокның Ленин урамына асфальт җәелә.

-Почта яныннан башланган хезмәтебез тимер юл вокзалына кадәр дәвам итәчәк. Хәзерге вакытта асфальтның беренче каты түшәлә. Юл читендәге бордюрлар яңартылып, канализация коелары күтәртелгәннән соң, икенче кат асфальт җәеләчәк, - дип хәбәр итте "Татавтодор"ның Саба филиалы составындагы Кукмара юл төзү-ремонт участогы начальнигы урынбасары Рөстәм Зарипов.

Эльвира Мөбарәкшина фотолары