Кукмарада өлкәннәрне хөрмәтләделәр (фото)

Бәйрәмгә чакырылган бер төркем пенсионерлар иң элек ресурс үзәгендә, "Кыңгырау" балалар бакчасында булдылар. Экскурсия вакытында алар биредә башкарылган эшләр белән таныштылар. Аннан соң очрашу иҗат академиясендә дәвам итте. Кунакларны Татарстан Дәүләт Советы Рәисе урынбасары Римма Ратникова, район башлыгы Сергей Димитриев, район башлыгы урынбасары Равия Каримуллина, район ветераннар советы рәисе Мияссәр Мансуровлар бәйрәм белән тәбрикләп, аларга исәнлек-саулык, тән сихәтлеге, якыннарының кадер-хөрмәтен тоеп яшәүләрен теләделәр. Очрашу беренче гимназиядә әзерләнгән бәйрәм табыны артында дәвам итте.