Кукмарада «Кызыл канәфер» акциясе старт алды
«Көмеш яшьтәге волонтерлар» «Беренчеләр хәрәкәте» активистлары белән берлектә 250 значок таратырга планлаштыра.
Кукмара халкы «Кызыл канәфер» традицион хәйрия акциясенә актив кушыла. Чарага район башлыгы Сергей Димитриев старт бирде. Аны җитәкчеләр, администрация белгечләре, шәһәр һәм район Башкарма комитеты, оешмалар хуплады.
«„Кызыл канәфер“ акциясе „Буыннар истәлеге“ хәйрия фонды тарафыннан оештырылган. Безнең районда ул икенче ел уза. „Беренчеләр хәрәкәте“ активистлары белән берлектә 250 значок таратырга планлаштырабыз. Акчаларны теләсә нинди уңайлы ысул белән тапшырырга була: акчалата яки QR-код буенча күчерергә. Битарафлар юк. Әлеге акциядә катнашу — ветераннарга теләктәшлек күрсәтү, бүген илнең иминлеге һәм киләчәк өчен көрәшүчеләргә ярдәм итү мөмкинлеге», — дип сөйләде «Көмеш яшьтәге волонтерлар» җитәкчесе Нурия Закирова.
Бу акция ярдәмендә җыелган барлык акчалар Бөек Ватан сугышы һәм башка сугыш хәрәкәтләре ветераннарына медицина ярдәме күрсәтүгә, шул исәптән аларга кыйммәтле дарулар, коляска-урындыклар, ишетү аппаратлары, протезлар һәм башкалар сатып алуга юнәлдереләчәк.
Фото: Эльвира Иванова/ «Хезмәт даны»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев