Кукмарада авыл хуҗалыгы ярминкәсе узды (фоторепортаж)

Бүген, "Добреев" кибете каршындагы мәйданда авыл хуҗалыгы, күмәк фермер хуҗалыклары үзләре җитештергән продукция белән сату иттеләр. Килгән халыкны бигрәк тә ит, суган, бәрәңге бәяләре кызыксындырды. Һава торышы яхшы булгангамы, иртә таңнан мәйданда халык күп иде.

Район башлыгы Сергей Димитриев, район Башкарма комитеты җитәкчесе Азат Гарифуллин, аның урынбасары Чулпан Хәнәфиналар ярминкәгә үз бәяләрен бирделәр. Районның үзешчән артистлары моңлы җырлары белән җыелган халыкка, сатучыларга яхшы кәеф бүләк иттеләр.