Кукмара районында 136 пенсионер "Өлкән буын" проекты кысаларында диспансерлаштыру узган

Районда “Демография” илкүләм проектының “Өлкән буын” проектын гамәлгә ашыру кысаларында, сентябрь аеннан диспансеризация, профилактик тикшерүләр, скрининглар уздыру өчен, авыл җирендә яшәүче 65 яшьтән өлкәнрәк кешеләрне район медицина оешмаларына алып килү башланды. Агымдагы чорда диспансерлаштыруны Зур Кукмара, Лельвиж, Ош.Юмья, Манзарас, Мәмәшир, Пычак авыл җирлекләрендә яшәүче 65 яшьтән узган 136 пенсионер узды. Ел азагына хәтле кимендә җиде йөз алтмыш өч кешене тикшеренү өчен дәваханәгә алып килү планлаштырыла.