Кукмара районында 10 балага короновирустан прививка ясаганнар

Кукмара районында 10 бала короновируска каршы прививка ясатты. Бу хакта район үзәк дәваханәсе эпидемиологы Илназ Фәйзуллин сөйләде.

«Районда12 яшьтән 17 яшькә кадәрге балаларга Covid-19дан вакцинация үткәрү башланды. Ун доза Спутник М вакцинасы кайткан иде. Кичә прививка унынчы балага ясалды. Балаларны вакцинацияләү әти-әни, законлы вәкиленең ризалыгы белән үткәрелә», - дип билгеләп үтте Илназ Фәйзуллин.

Табиб бүгенге көндә коронавирус диагнозының 608 кешегә куелуын, аларның унысы йөкле ханымнар булуын да билгеләп үтте. Коронавируска каршы вакцинаның беренче компонентын – 29 мең 672, ә тулысынча 28 мең 400 кеше ясаткан.

Бүгенге көндә дәваханәдә Гам-Ковид-Вак (Спутник V), Ковивак, Спутник Лайт, ЭпиВакКорона вакциналары бар.

Фото: Эльвира Иванова/ «Хезмәт даны»