Кукмара районы башлыгы Сергей Димитриев Корбан бәйрәме белән котлады

Кукмара районы башлыгы Сергей Димитриев кукмаралыларны һәм кунакларны Корбан бәйрәме белән котлады.

- Хөрмәтле райондашлар! Сезне изге Корбан бәйрәме белән ихлас күңелдән котлыйм. Бу бәйрәм һәр өйгә тынычлык һәм муллык, тату һәм бәрәкәтле тормыш, җан җылысы һәм бәхет-шатлыклар алып килсен.
Районыбызда традицион диннәрне саклау һәм үстерү буенча күләмле эш алып барыла. Күп гасырлар буенча тату һәм тыныч уртак гомер кичерүче төрле милләт һәм дин вәкилләре төбәгебезнең иминлеге өчен кулга-кул тотынышып эшлиләр, район тормышында актив катнашалар.  Киләчәктә дә туган җиребездә тынычлык хөкем сөрер, шәфкать һәм гаделлекнең, рухи-әхлакый кыйммәтләрнең өстенлегенә ышаныч хисе безне тагын да берләштерер дип ышанам. Изге Корбан бәйрәме дә безне игелекле эш-гамәлләргә өндәсен!