Фото: Кукмара районы авыл җирлекләрендә халык җыеннары башланып китте

Кичә ул беренчеләрдән булып, Ош. Юмья һәм Урта Комар җирлекләрендә үткәрелде. Анда җирлек башлыклары Анатолий Рамазанов һәм Юрий Исынбаевларның чыгышлары тыңланды. Бүген җыен Пычак һәм Березняк авыл җирлекләрендә булды, анда җирлек башлыклары Габделфәт Нәфыйков белән Рөстәм Шәриповлар чыгыш ясады.

Шулай ук "Әсәнбаш Агро" җәмгыяте җитәкчесе Илдар Гарифуллин, район эчке эшләр бүлеге начальнигы Рамил Нургалиевларның да докладлары тыңланды. Район башлыгы Сергей Димитриев районда дәүләт программаларының үтәлеше, сәнәгать һәм авыл хуҗалыкларындагы икътисади күрсәткечләр, алда торган бурычлар белән таныштырды. Чыгышлардан соң халык үзен кызыксындырган сорауларын бирде. Җыен ахырында хезмәт алдынгыларына бүләкләр тапшырылды.

Фото: Эльвира Мөбарәкшина