Кукмарада төп чыршы ачылды

Бүген Кукмарада төп чыршыны ачу бәйрәме булды. Традиция буенча быел да чыршы Җиңү Паркы каршындагы мәйданда урнаштырылды.

Кукмаралыларны сәхнәдән Кыш бабай һәм Кар кызы сәламләде, район мәдәният узешчәннәре, укучылар, балалар катнашында әзерләнгән театральләштерелгән тамаша, җырлы-биюле концерт номерлары бәйрәмгә тагын да күтәренке рух өстәде.

Аннан соң бергәләп чыршыдагы утларны кабыздылар. Шулай ук бәйрәмгә килгән кунаклар төзекләндерелгән Нурминкә яр буенда ял итте, саф һава сулады, балалар рәхәтләнеп таудан шуды.

Бәйрәм күмәк бию, дискотека белән тәмамланды.