Татарстанда коронавирус белән зарарлануның 50 яңа очрагы ачыкланган

Татарстанда соңгы тәүлектә Covid-19ның 50 яңа очрагы расланган. Бу хакта «Татар-информ» мәгълүмат агентлыгына коронавирус буенча оператив штаб хәбәр итә.

Инфекция йоктырган 15 кеше хастаханәгә озатылган, калган 35 кеше өендә дәвалана. Барысы да элемтә юлы белән инфекция йоктыручылар.

Авыручыларның күбесе Казанда – 32 кеше. Яр Чаллы шәһәрендә – 2, Түбән Кама районында – 4, Яшел Үзәндә – 3, Норлатта – 2, Әтнә, Буа, Биектау, Алабуга, Питрәч, Тәтеш, Тукай районнарында – берәр.

фото: «Татар-информ»