Зур Сәрдек авылында "Самавыр бәйрәме" узды (фото)

Зур Сәрдек авылының мәдәният йорты хезмәткәрләре аеруча актив. Нинди генә бәйрәмнәр оештырмыйлар алар! "Самавыр бәйрәме"н үткәрү үзе генә дә ни тора! Анда төрле рецептлар белән әзерләнгән чәйләр, кайнатып куелган самавырлар, тәм-том куелган өстәлләр янында үзешчәннәребез концерт куйды. Түгәрәк уен, парлы бию, заман ритмнары яңгырашыннан авыл гөр килеп торды. Самавыр тарихы, чәйнең төрләре һәм сихәте турында да сүз күп булды.Тастымалны сыкканчы, самавырларны екканчы, халык шифалы чәй белән сыйланды, дип яза "Наш Кукмор" төркеме.