"Ышаныч телефоны"на шалтырат

"Үлем белән кайда сату итүләре турында хәбәр ит!" акциясенең беренче ведомствоара этабы башланды. Әлеге чара 24 мартка кадәр дәвам итәчәк. Акциянең төп максаты - наркомания һәм наркотикларның законсыз әйләнешенә кагылышлы проблемаларга халыкның игътибарын юнәлтү.

Акция кысаларында теләге булган һәркем район эчке эшләр бүлегенең "Ышаныч телефоны" - 2-70-80 номерына шалтыратып, наркотиклар куллану яисә сатуны пропагандалаучы интернет-сайтлар турында, законсыз рәвештә наркотик, психотроп матдәләр тарату фактларын хәбәр итә ала. Шулай ук наркотикларга бәйле булучыларны сәламәтләндерү һәм тернәкләндерү турындагы сорауларны да бирергә мөмкин. Бер шалтырату да игътибардан читтә калмаячак. Анонимлык гарантияләнә.