Волейбол турниры үткәрелде

Үткән атнада Олыяз урта мәктәбенең спорт залында Рәдис Хәйруллин истәлегенә традицион волейбол турниры үткәрелде. Бу көнне 9 команда үзара көч сынашты. Көн дәвамында барган киеренке бәйгедә Янил егетләре I урынны яулады. Олыязлылар - II, Зур Сәрдек авылының төп составы III урынны алды. Спортчылар әлеге турнирны даими оештыручы шәхси эшмәкәр Фәнил Әгълиуллинга, "Урал" күмәк хуҗалык җитәкчесе Газинур Хәбибрахмановка һәм мәктәп директоры Гомәр Хаҗиевка рәхмәт белдерәләр.