Урта Комарда халык җыены үтте (+Фото)

Татарстан Дәүләт Советы рәисе урынбасары Римма Ратникова мәктәпнең өлкән сыйныф укучылары, укытучылар коллективы белән очрашты, җирле үзидарә органнарының 2015 елгы эш нәтиҗәләренә багышланган халык җыенында катнашты. Анда җирлек башлыгы Юрий Исынбаев, мәктәп директоры Владимир Михайлов, участок инспекторы Виталий Кусаев, "Әсәнбаш" агрофирмасының "Виль Кужым" бүлекчәсенең башкарма директоры Фәнзил Гайнетдинов, район Башкарма комитеты җитәкчесе урынбасары Чулпан Хәнәфиналар чыгыш ясады. Район башлыгы урынбасары Равия Каримуллина районда ел дәвамында башкарылган эшләр белән таныштырды, киләчәккә план һәм бурычларга тукталды.