Укучылар өчен Вятка Аланындагы “Профессионал” уку үзәгенә һәм Кукмара аграр көллиятенә экскурсияләр оештырылды (фото)

Район мәшгульлек үзәгендә ел саен эшче һәм инженерлык һөнәрләрен популярлаштыру буенча республика программасы тормышка ашырыла. Әлеге программа нигезендә быел "Синең киләчәгең - үз кулларыңда" дигән проект эшләнде. Проект кысаларында күппрофильле лицейның 8 сыйныф укучылары Вятка Аланындагы "Профессионал" уку үзәгендә, ә Манзарас мәктәбенең 9 сыйныф укучылары Кукмара аграр көллиятендә экскурсиядә булып кайттылар. Укучылар уку йортларының тарихы, аудиторияләр, остаханә, спорт заллары, белем йортларының матди-техник базалары белән таныштылар, үзләрен кызыксындырган сорауларга җаваплар алдылар.

Фотолар "Наш Кукмор" төркеменнән алынды