Бер хан төш күрә. Төшендә аның бөтен теше бер-бер артлы төшеп бетә. Ул кайгыга бата, төш юраучыны үзенә чакырта. Төш юраучы аны тыңлап бетерә дә болай ди: -Ханым-солтаным, бу төшең күңелсез хәбәр җиткерә: бөтен якыннарыңны югалтачаксың. Бу сүзләр ханның ачуын чыгара: вәзирен чакыртып, төш юраучыны зинданга ябарга боерык бирә. Берничә...
Бер хан төш күрә. Төшендә аның бөтен теше бер-бер артлы төшеп бетә. Ул кайгыга бата, төш юраучыны үзенә чакырта. Төш юраучы аны тыңлап бетерә дә болай ди:
-Ханым-солтаным, бу төшең күңелсез хәбәр җиткерә: бөтен якыннарыңны югалтачаксың.
Бу сүзләр ханның ачуын чыгара: вәзирен чакыртып, төш юраучыны зинданга ябарга боерык бирә.
Берничә көннән хан икенче төш юраучыны үзенә чакырта. Хан сүзен тәмамлагач, кунак сүз башлый: "Бу бик куанычлы хәбәр. Падишаһым, син бик озын гомерле булачаксың, бөтен туганнарыңнан да озаграк яшәячәксең".
Юрау ханның күңеленә хуш килә: төш юраучыны күп бүләкләр биреп озатырга куша.
Бу хәлне күреп торган ханның якыннары төш юраучыга сорау бирәләр: "Син дә бит шул ук хәлне сөйләдең. Нишләп сине бүләкләде, ә теге юраучыны зинданга яптырды?" "Без икебез дә төшне бертөрле юрадык. Ләкин нинди хәбәр җиткерүгә караганда, ничек әйтү мөһимрәк, - дип аңлата төш юраучы.
«Кукмор Татарстан» МАКС каналына язылыгыз
Нет комментариев