Солдаттагы Аш.Буҗи егетенең рота командирыннан Рәхмәт хаты килгән

Һәр әти-әни кебек без дә улыбыз Айнурны армия сафларына озатканда борчылган идек. Әмма бу борчылуыбыз юкка булган. Инде кайтуына да берничә генә ай калып бара, әле улыбыздан бер зарлану сүзе ишетмәдек. Айнур элемтә ротасында хезмәт итә. Хәрби частьта да үзен уңай яктан гына бәяли. Күптән түгел рота командиры капитан А.Филонов исеменнән килгән Рәхмәт хатында да улыбыз Айнурның тәртипле, намуслы булуы, иптәшләренә һәр вакыт ярдәмгә килергә әзер торуы турында әйтелә. Бу безнең өчен зур сөенеч булды.

Инде улыбызның исән-сау илебезгә хезмәт итеп кайтканын көтәбез.

Гөлфиназ һәм Камил ГӘРӘЕВлар, Аш.Буҗи авылы