Шиһабетдин Мәрҗәнинең Әл-Әзһәрдә әлегәчә билгесез китабы табылган

Мисырның Әл-Әзһәр университеты китапханәсендә Россия ислам университеты укытучысы Рөстәм Нургалиев катнашындагы тикшеренүдә 14 гасыр галиме Садр аш-Шарианың фикһ фәне буенча китабына тәфсир табылган. Әлеге тәфсирне Шиһабетдин Мәрҗәни башкарган булган. Бүген Казанда уникаль китапның ике күчермәсе саклана: тулы һәм кыскача варианты. Болар турында "Татар -информ" агентлыгы хәбәр итә.

Бүген безнең район мәктәпләрендә дә Шиһабетдин Мәрҗәни исемендә төрле кичәләр, конференцияләр, очрашулар уза. Кукмараның үзендә Шиһабетдин Мәрҗәни исемендәге урам бар. Ә иң кызыгы - Шиһабетдин хәзрәт белән дөньякүләм билгеле Мәчкәрә сәүдәгәрләре һәм зыялылары Үтәмешевлар - нәселләре ягыннан туганнар булып чыга. Димәк, тарихи күзлектән карасак, Мәрҗәни безгә дә чит-ят шәхес түгел булып чыга...

фото: http://images.yandex.ru/yandsearch