Шахмат буенча чемпионнар билгеле

Классик шахмат буенча район чемпионаты тәмамланды. Ир-егетләр арасында чемпион булып Александр Васильев калды. Икенче урынны күппрофильле лицейның 8нче сыйныфында укучы Айнур Җиһаншин алды. Өченче урында - Камил Шәймәрданов. Хатын-кызлар арасында беренче урында - Маргарита Закирова, икенчедә - күппрофильле лицейның 2нче сыйныф укучысы Диана Гарәфетдинова, өченче урында шул ук мәктәптән 2 сыйныф укучысы Полина Гареева. Ветеран шахматчылар Альберт Сәләхов - икенче, Хәйдәр Гарипов - өченче, Рәис Камалов дүртенче урыннарны алдылар. Балалар арасында 2нче күппрофильле лицейның 2 сыйныф укучылары Ирек Галиев, Илфар Садуртдинов беренче-икенче урыннарны алдылар һәм өлкәннәр белән уйнаганда үзләрен өметле шахматчылар итеп таныттылар.