Район Советында терроризмга каршы көрәш комиссиясенең утырышы булды

Терроризмга каршы район комиссиясенең чираттагы утырышы булып узды. Анда сәламәтлек саклау, спорт, мәгариф объектларында терроризм куркынычсызлыгы чаралары күрү, Белем көнендә мәгариф учреждениеләрендә терроризм һәм экстремистлыкка каршы җәмәгать куркынычсызлыгын тәэмин итү, экстремистлык эшчәнлеге белән шөгыльләнүче затларны ачыклау, аларны кисәтү һәм башка мәсьәләләр каралды. Утырышта район башлыгы Рауил Рәхмәтуллин, район мәгариф идарәсе җитәкчесе Роберт Мансуров, полиция начальнигы Рамил Нургалиев, Олыяз авыл җирлеге башлыгы Рамил Мәликов, район советы рәисе урынбасары Равия Каримуллиналар чыгыш ясады.