Район мәктәпләрендә“Зарница Поволжья” дигән хәрби-спорт уеннары узачак

Татарстан Республикасында "Зарница Поволжья" дигән хәрби-спорт уены - Идел буе федераль округының проекты тормышка ашырыла. Әлеге проект мәктәп, муниципаль, зона, республикакүләм финал этапларын үз эченә ала. Җиңүче команда "Зарница Поволжья" өлкә финалында катнашачак.

Әлеге хәрби-спорт уеннары район мәктәпләрендә дә узачак. Аның графигы белән "Вконтакте"да "Зарница Поволжья Кукморский район" дигән төркемдә танышырга мөмкин.

Районкүләм "Зарница - 2015" уеннары исә 4 апрельдә Зур Кукмара урта мәктәбендә һәм "Ялкын" спорт клубында узачак. Ярыш төрләре, таләпләр шулай ук "Зарница Поволжья Кукморский район" дигән төркемдә бар.