Район мөхтәсибе вазыйфаларын вакытлыча Рәдиф хәзрәт Тимергалиев башкарачак

Кукмара үзәк мәчетендә имамнар җыелышы узды. Җыелышта Татарстан мөфтие урынбасары Рөстәм хәзрәт Хәйруллин, Татарстан Республикасы Президентының дини оешмалар белән эшләү Департаментының дәүләти-конфессиональ мөнәсәбәтләр бүлеге баш киңәшчесе Нурислам Гыйльметдинов, Кукмара районы башлыгы урынбасары Равия Каримуллина катнашты. Утырышта район мөхтәсибе Зиннур хәзрәт Сәмигуллинның гаризасы каралды. Ул, мөхтәсиб вазыйфасыннан азат ителеп, мактаулы мөхтәсиб итеп калдырылды. Район мөхтәсибе вазыйфаларын вакытлыча башкару, Татарстан Республикасы мөфтие Камил хәзрәт Сәмигуллин тәкъдиме белән, Камышлы авылы имамы, югары дини белемле Рәдиф хәзрәт Тимергалиевка йөкләнде.