Район башлыгы һәр тармакка мөһим бурычлар куйды

Район башлыгы Рауил Рәхмәтуллин уздырган дүшәмбе киңәшмәсендә сүз җылылык челтәрен тулысынча хәзерлек сызыгына куеп, сынап карау, районда бара торган төзелеш эшләрен - Олыязда урта мәктәп, Ныртыда һәм Түбән Өскебашта полиция йортлары, поселокта күпкатлы йортлар, футбол кыры, төрле участокларда юл төзелешләрен дәвам итү, сыйфат дәрәҗәсенә игътибарны арттыру, Өлкәннәр көненә хәзерлек турында барды. Ә авыл хуҗалыгында кукурузны җыеп, силос салу, җир эшкәртү, терлекчелектә продукция җитештерүне арттыру бүгенге көннең иң мөһим бурычы булып тора.