Район Башлыгы гүзәл затларны бәйрәм белән котлады

Кукмара муниципаль район Башлыгы Рауил Шәйдәүләт улы Рәхмәтуллин районыбызның барлык хатын-кызларын 8 Март бәйрәме белән котлады.

-Безнең хөрмәтле гүзәл затларыбыз! Сезгә язның беренче бәйрәме уңаеннан иң изге теләкләремне җиткерәм: тазалык-саулык, ак бәхетләр, күңел көрлеге, гаилә иминлеге телим, - диелә котлауда. -8 Март ул һәркем күңелендә иң якты хисләр уята торган бәйрәм. Бүген без сезне ана буларак та, җәмгыятебездә тотрыклылыкны тәэмин итүче, икътисадыбызны алга алып баручы хезмәт кешесе буларак та хөрмәт итәбез. Сезнең каршыгызда без үзебезне һәрчак бурычлы итеп тоябыз. Барлык уй-теләкләрегез тормышка ашсын, бәхетле булыгыз!