Поч. Сутерда кышны озаттылар (фотолар)

Поч.Сутер авылының мәдәният йорты хезмәткәрләре урта мәктәп коллективы белән берлектә "Чаңгыда узышу" һәм "Кыш озату" уздырды. Иртәдән үк көн кояшлы, матур иде. Дәртле музыка авыл халкын, кунакларны бәйрәмгә дәште. Һәркем: өлкәннәр дә, балалар да рәхәтләнеп ял итте, күңел ачты, төрле бәйгеләрдә үзен сынады. Кышны озату, язны каршылаучылар кайнар коймак һәм чәй белән сыйланды. Чаңгы ярышында җиңүчеләргә һәрбер яшь категориясе буенча Мактау грамоталары тапшырылды, дип яза "Наш Кукмор".