Ош.Юмья җирлегендә алдан тавыш бирү үткәрелде (фото)

Оштырма Юмья авыл җирлегендә мөһим чара - 2017 елның 10 сентябрендә үтәчәк сайлауларда районыбызның муниципаль берәмлекләренең вәкаләтле органнарына "Бердәм Россия" партиясеннән депутатлыкка кандидатлар тәкъдим итү өчен кандидатуралар буенча алдан тавыш бирү үткәрелде. Бирегә депутатлыкка 2 кандидат, 30 сайлаучы килгән иде. Бу чарада партиянең Татарстан региональ бүлегенең региональ сәяси советы сәркатибе урынбасары, республикабызның Дәүләт Советы рәисе урынбасары Римма Ратникова да катнашты.

Алдан тавыш бирү өч авыл җирлегендә узачак. Әлеге чара Поч.Кучук һәм Ош.Юмья җирлекләрендә узды инде. Бүген Өркеш җирлегендә дә оештырылачак.