Лубянда 44 гаилә яңа фатирлы булачак (фото)

Авария хәлендәге йортларда яшәүчеләрнең торак шартларын яхшырту максатында, республика програмасы буенча Лубянда яңа йортлар төзелә. Завод урамындагы 4әр фатирлы 5 йортны инде әзер дисәк тә була. Биредә инде су кертелгән, канализация дә үткәрелгән.

-Алга таба газ һәм ут кертеп, территорияне төзекләндерәсе генә калып бара. Ленин урамында - 4, Гагарин урамында - 2, Эшчеләр тыкрыгы урамында 1 йорт сафка басачак, - ди район Башкарма комитеты җитәкчесенең урынбасары Рөстәм Ахмадуллин. - Төзелеш эшләрен "Строй-Гарант" оешмасы хезмәткәрләре башкара. Йортларга муниципаль йортларда яшәгән 44 гаилә күченәчәк.